ఖమ్మం – మహా.
భారతదేశంలో సాధారణంగా లంచాల కేసుల్ని దర్యాప్తు చేసే అధికారులే ఒక అధికారిని తలలు పట్టుకొని చూస్తే అది పెద్ద కథే. కానీ ఇప్పుడు అది నిజంగా జరిగింది. ఈ కథా నాయకుడు ఐఆర్ఎస్ అధికారి జీవన్ లాల్. పల్లెలో జన్మించి పట్టణ పాలసీలో పుట్టినట్లు వ్యవహరించిన ఇతడి దందాలు చూసిన సీబీఐకి అక్షరాలా షాక్ తగిలింది. కోట్ల రూపాయల సంపాదన, బినామీ వ్యవస్థ, క్వాలిటీ భవనాల్లో పెట్టుబడులు, కుటుంబం మీద ఆస్తుల నమోదు – ఇదంతా ఒక కమర్షియల్ సినిమా స్క్రిప్ట్ లా ఉంది. కానీ ఇది రియల్! సీబీఐ దర్యాప్తుతో బయటపడిన ఈ కథ ఆర్గనైజ్డ్ క్రైమ్ లా ఉంది. నిజంగా జీవన్ లాల్ వ్యవహారాలు చూసి సీబీఐకి పచ్చి చెమటలు పట్టిన సంగతి వాస్తవం.
పన్ను చెల్లింపుదారుల నిధులతో జీవించాల్సిన ప్రభుత్వాధికారి… నిధులనే తన వ్యక్తిగత స్వార్థాలకు వాడుకుంటే ఏమవుతుంది? న్యాయాన్ని పరిరక్షించాల్సిన పరిపాలనా వ్యవస్థ అధికారి చేతుల్లోనే న్యాయహింస జరగడం చూస్తుంటే ప్రజాస్వామ్య వ్యవస్థ తలదించుకునేలా తయారవుతుంది. కేంద్ర ఆదాయపు పన్ను శాఖలో ఐఆర్ఎస్ అధికారి పదవిలో ఉన్న జీవన్ లాల్ ఆచరణలు ఇప్పుడు సీబీఐని కూడా నిర్ఘాంతపరిచే స్థాయికి తీసుకెళ్లాయి. కేవలం 70 లక్షల లంచం కేసుతో ప్రారంభమైన దర్యాప్తు ఇప్పుడు బినామీ ఆస్తుల సామ్రాజ్యంగా, అశేషంగా వ్యాపించిన అవినీతిరంగ మాఫియాగా మారిపోతోంది. ఇది లంచం కేసు కాదు – ఇది ఒక ప్రభుత్వ వ్యవస్థలోనే పతనం పట్ల ప్రజలకు హెచ్చరికగా నిలిచే సంఘటనగా మారింది.
ఇప్పుడు వెలుగులోకి వస్తున్న వివరాల ప్రకారం, జీవన్ లాల్ అనేక కంపెనీలతో దందాలు, అనేక రాజకీయ నాయకులతో సంబంధాలు, బినామీ ఆస్తుల చుట్టూ అల్లుకున్న అగాధం– ఇవన్నీ కలిపి ఒక రక్తదాహి పాలనను తలపిస్తున్నాయి.
*బినామీ ధనాల మాయాజాలం.
జీవన్ లాల్ అనేక విలువైన ఆస్తులను తన భార్య, తల్లి, బంధువుల పేరిట రిజిస్ట్రేషన్ చేయించాడు. కానీ ఆ ఆస్తుల అసలైన డాక్యుమెంట్లు మాత్రం తన ఇంటిలో భద్రంగా ఉంచుకున్నాడని సీబీఐ గుర్తించింది. హైదరాబాద్, విజయవాడ, విశాఖపట్నం, ఢిల్లీ వంటి ప్రధాన నగరాల్లో అపార్ట్మెంట్లు, ఖరీదైన స్థలాలు, ఖరీదైన వాహనాల వివరాలు ఇప్పుడు విచారణలో వెల్లడి అవుతున్నాయి. ఒక్కో ఆస్తి వెనక ఒక్కో లంచం కథ ఉంది.
* సీబీఐ ముందున్న గుట్టు .. అంతర్లీన వ్యవస్థల ఆత్మ పరీక్ష.
ఇప్పటి వరకు సీబీఐ తన దర్యాప్తు చరిత్రలో ఎన్నో రాజకీయ, కార్పొరేట్ స్కాంలను పరిష్కరించింది. కానీ జీవన్ లాల్ కేసులో మాత్రం విచారణ అధికారులు తలలు పట్టుకుంటున్నారు. కారణం – ఇది కేవలం ఒక లంచం కేసు కాదు, ఇది కేంద్ర ప్రభుత్వ శాఖల్లో లంచాలుగా మారిన వ్యవస్థపై కుటిల ఆరోపణ. సీబీఐ అధికారులు ఇదే మాట చెప్పారు – “ఇది ట్రైలర్ మాత్రమే. అసలు సినిమా ఇప్పుడు మొదలవుతోంది.”
* రాములు నాయక్ కుమారుడిగా – రాజకీయ నేపథ్యం.
వైరా మాజీ ఎమ్మెల్యే రాములు నాయక్ కుమారుడిగా జీవన్ లాల్ రాజకీయ నేపథ్యాన్ని కలిగి ఉన్నవాడు. తెలంగాణలో అతని సంబంధాలు, ఆదాయపు పన్ను శాఖలో పదవి పొందడం వెనుక ఉన్న రాజకీయ ప్రేరణలూ ఇప్పుడు విచారణలో భాగంగా మారాయి. ఎవరి ఆశీస్సులతో ఈ అధికారి ఆ స్థాయికి చేరుకున్నాడన్నదే అసలైన ప్రశ్నగా మారింది.
* షాపూర్జీ పల్లోంజీ ఫైళ్ల వ్యవహారం:
సీబీఐ మొదట జీవన్ లాల్పై దృష్టి పెట్టినది షాపూర్జీ పల్లోంజీ సంస్థకు చెందిన కొన్ని ప్రాజెక్టులపై విధించాల్సిన పన్నులు, ఆ సంస్థ ఫైళ్లను ప్రాసెస్ చేయడానికి లంచాలు వసూలు చేశాడన్న ఆరోపణలతో. కాంట్రాక్టర్లు, టాప్ మేనేజ్మెంట్ సీఈఓలతో జీవన్ లాల్ నేరుగా సంప్రదింపులు జరిపిన ఆడియో–వీడియో ఆధారాలు కూడా లభ్యమయ్యాయి.
* ఇతను ఒంటరిగా చేయగలడా? లేక వ్యవస్థే కుప్పకూలిందా?
జీవన్ లాల్ ఒంటరిగా ఈ స్థాయికి దొంగతనాలు చేయగలడా? లేక ఇతర ఐఆర్ఎస్ అధికారులు, శాఖా నాయకులు, అధికారులు కలిసి వ్యవస్థను పూర్తిగా అవినీతిలో ముంచారా? ఈ ప్రశ్న ఇప్పుడు కేంద్ర దర్యాప్తు సంస్థల ముందుంది. సీబీఐ ఇప్పటికే పలువురు సంబంధిత అధికారులు, డిప్యూటీ కమిషనర్లపై ప్రత్యేక విచారణ ప్రారంభించింది.
